Жаңалықтарды Telegram арнамыздан оқыңыз!Алматы мен Астанада ауа райының қолайсыздығынан рейстер кешігуде. Бұл туралы әуежайлардың онлайн-таблосында көрсетілген. Алматыда 4 әуе рейсі, атап айтқанда, «Алматы-Үрімжі», «Алматы-Ашхабад», «Алматы-Ақтөбе», «Алматы-Амстердам» бағытындағы рейстер уақытынан кешігіп жатыр. Астана, Ақтөбе, Шымкент, Орал қалаларына және Душанбе, Үрімжі қалаларына 6 рейс ұшпайтын болды.
Алматыда кей рейстердің ұшу кестесі жарты сағаттан 6-7 сағатқа дейін шегерілді. Астана әуежайынан Үрімжі, Орал, Ақтөбе қалаларына ұшатын рейстер бөгелуде. Ал Қызылорда, Ақтөбе, Үрімжі қалаларынан бірнеше рейс Астанаға дер кезінде жете алмай отыр.
