Жаңалықтарды Telegram арнамыздан оқыңыз!Қазақстан территориясында атмосфералық фронттардың өтуіне байланысты ауа-райы тұрақсыз, соған байланысты жауын-шашын, бұрқасын, тұман, көктайғақ, желдің күшейуі күтіледі, деп хабарлады ҚР ІІМ ТЖ Комитетінен.
Ақмола облысында жел 15-20, кей жерлерінде 23-28, екпіні бұрқасынмен 30 м/с дейін күшейеді, кей жерлерінде көктайғақ болады.
Алматы облысының кей аймақтарында, жел 15-20 м/с күшейеді, тұман түседі.
Жамбыл облысында жел 15-20, күндіз екпіні 23-28 м/с күшейеді, тұман күтіледі.
Оңтүстік Қазақстан облысының кей жерлерінде тұман, жел 17-22, екпіні 28 м/с күшейеді, күндіз көктайғақ болады.
Маңғыстау, Батыс Қазақстан облыстарының кей аймақтарында тұман, көктайғақ болады, жел 15-20 м/с күшейеді.
Қызылорда, Атырау, Қостанай, Ақтөбе облыстарының кей жерлерінде бұрқасын, көктайғақ, тұман болады, желдің күші 15-20 м/с жетеді, Қостанай облысында екпіні 25 м/с күшейеді.
Солтүстік Қазақстан, Павлодар облыстарында бұрқасын, көктайғақ болады, жел 15-22, кей жерлерінде екпіні 25 м/с күшейеді.
Қарағанды облысында жел 15-20, кей жерлерде екпіні 25 м/с күшейеді, бұрқасын, кей жерлерде көктайғақ, тұман болады.
Шығыс Қазақстан облысында жел 15-20, екпіні 25-28 м/с күшейеді, кей жерлерде бұрқасын, көктайғақ болады.
