Жаңалықтарды Telegram арнамыздан оқыңыз!Жиын 2015 жылдың 9 желтоқсанына жоспарланған. Шараны елордадағы Бейжің сарайында Инвестициялар және даму министрлігімен бірлесіп, «Темір жол көлігінің ғылыми-зерттеу институты» жауапкершілігі шектеулі серіктестігі ұйымдастырады.
Конференцияны ұйымдастырудағы мақсат – Қазақстан арқылы өтетін транзиттік-көлік ағынын арттырудың тиімді құралы ретінде заманға сай логистикалық технологияларды қолданудағы кедергілерді анықтау, ғылыми-тәжірибелік қызметте тәжірибе алмасу, ТМД мен шет мемлекеттердің жетекші ғылыми-зерттеу институттарының арасындағы байланыстарды нығайту.
Осыған қарай, конференцияға еліміз бен ТМД мемлекеттерінің көлік саласындағы мемлекеттік құрылымдарының, ғылыми-зерттеу және ғылыми-жобалау институттарының өкілдері қатысады деп күтілуде. Сондай-ақ, жиынға халықаралық тәуелсіз сарапшылар да қатысады.
