Жаңалықтарды Telegram арнамыздан оқыңыз!Атмосфералық ағындардың өтуімен республиканың батысында, солтүстік-батысында және солтүстігінде жауын-шашынды, бұрқасынды ауа райы сақталады, тұман түседі, көктайғақ болады, жел күшейеді. Қазгидрометтің хабарлауынша, республиканың қалған аумағында күн ашық болады.
Солтүстік Қазақстан облысында кей жерлерде тұман түсіп, көктайғақ болады, бұрқасындатып, жел 15-20 м/с-қа дейін күшейеді.
Қостанай, күндіз Павлодар облыстарында жел 15-22 м/с-қа дейін күшейеді, кей жерлерде тұман түседі, көктайғақ болады.
Алматы облысында түнде және таңертең кей жерлерде тұман түседі, Жалаңашкөл ауданында желдің күші 18-23 м/с-қа жетеді.
Шығыс Қазақстан облысында жел 15-20 м/с-қа дейін күшейеді, түнде кей жерлерде тұман түседі.
Маңғыстау облысында тұман түседі, түнде жел 15-20 м/с-қа дейін күшейеді.
Ақмола, Батыс Қазақстан облыстарында кей жерлерде тұман түседі, көктайғақ болады.
Атырау, Ақтөбе, Жамбыл, Оңтүстік Қазақстан, Қызылорда облыстарында тұман болады.
