Жаңалықтарды Telegram арнамыздан оқыңыз!Тайваньдық халықаралық балалар фильмдерінің кинофестиваліне (TICFF/ Taiwan International Children's Film Festival) жұмыстар қабылдау жалғасуда. Шара аясында 12 жасқа дейінгі балаларға арналған үздік туындылар анықталады.
Биылғы фестиваль мынадай аталымдар бойынша өтеді: «Үздік фильм», «Үздік қысқа метражды фильм», «Үздік анимациялық фильм», «Үздік телевизиялық хабар». Сондай-ақ, Тайваньдағы балалар киностудиялары арасында үздікті анықтау мақсатында «Тайвань Award» ұйымдастырылмақ.
Әр аталым жеңімпазына 4 мың АҚШ доллары көлемінде сыйақы беріледі.
Сайысқа 2013 жылдың 1 тамызы мен 2015 жылдың 31 қазаны аралығында жарық көрген жұмыстар қабылданады.
Қысқа метражды фильмдердің ұзақтығы - 10-30 минут, фильмдердің ұзақтығы - 31-95 минут, телевизиялық хабар ұзақтығы - 10-95 минут, ал анимациялық фильмдер ұзақтығы 1-95 минут болу керек.
Айта кетейік, өтініштер 31 қазанға дейін қабылданады.
