Жаңалықтарды Telegram арнамыздан оқыңыз!33 жастағы қазақстандық кәсіпқой боксшы Геннадий Головкин Twitter арқылы Давид Лемьемен болған жекпе-жекте көрсетілген қолдау үшін барлық жанкүйерлеріне рахмет айтты.
«Маған бүгін жеңіске жетуге көмектескен жанкүйерлеріме, командама, еліме, әрбіреуіңізге РАХМЕТ», - деп жазды Головкин өз аккаунтында.
Еске сала кетейік, бүгін Нью-Йорктегі «Madison Square Garden» аренасында WBA (Super), IBO және WBC (Interim) тұжырымы бойынша орта салмақтағы Әлем чемпионы қазақстандық Геннадий Головкин канадалық Давид Лемьені 8-ші раундта техникалық нокаутпен жеңіп, IBF чемпиондық атағын иеленді.
Бұл кездесудің қайталауын «Қазақстан» Ұлттық телеарнасы бүгін 13:10 және 19:00-де көрсетеді.
Сонымен қатар, көрермендер жекпе-жектің қайталауын «KAZsport» телеарнасынан 13:10 мен 20:10 қайта тамашалай алады.
Айта кетейік, Головкин-Лемье бокс кешін «Қазақстан» Ұлттық телеарнасы Астана уақыты бойынша сағат 06:55-тен бастап тікелей эфирде көрсетті.
