Жаңалықтарды Telegram арнамыздан оқыңыз!Бұл мерекенің басты мақсаты - мүмкіндігі шектеулі жандардың қоғам өміріне белсенді әрі толыққанды араласуына ықпал ету.
Қазіргі таңда Астана қаласында 19 мыңнан астам мүмкіндігі шектеулі жандар тұрады, оның 3 мыңға жуығы балалар.
Бүгін Астана қаласының Туризм, дене тәрбиесі және спорт басқармасы мүгедектер күніне орай мүмкіндігі шектеулі жандардың спортпен шұғылдануын қолдау мақсатында арнайы іс-шара ұйымдастырды, деп хабарлайды Астана әкімдігінің баспасөз қызметі.
Айта кетейік, 2002 жылы құрылған «Қайсар» спорт клубында спорттың 15 түрімен айналысатын 400-ге жуық параолимпиада спортшылары бар.
Осы уақыт аралығында олардың 9-ы «Халықаралық дәрежедегі спорт шебері» болса, 80-ге жуығы «Қазақстан Республикасының спорт шебері».
Клубтың көптеген спортшылары мүгедек арбалармен қозғалады. Сондықтан, шарада спортшыларға заманауи мүгедектерге арналған арбалар сыйға тартылды. Аталмыш арбалар спортпен айналысуға да, күнделікті өмірде пайдалануға да ыңғайлы.
