Жаңалықтарды Telegram арнамыздан оқыңыз!Ертең Алматы қаласындағы О.Жолдасбеков атындағы Студенттер сарайында информатика пәнінен оқушылар арасындағы XXVII Халықаралық олимпиадасының (ІОІ-2015 International olympiad in informatics) ашылу салтанаты өтеді.
Шараға әлемнің 80 елінен 630-дан астам бала қатысады деп күтілуде. Олимпиада 2 тамызға дейін жалғасады, деп жазады Қазақстан Республикасы Білім және ғылым министрлігінің ресми сайты.
ІОІ-2015 Халықаралық олимпиадасында Қазақстан намысын Данияр Маминов, Мейрамбек Өмірзақ, Бекжан Бекболатұлы және Алтыбай Назарбектер қорғайды.
Шараны ұйымдастырушылар - Қазақстан Республикасының Білім және ғылым министрлігі, «Дарын» республикалық ғылыми-практикалық орталығы, әл-Фараби атындағы Қазақ Ұлттық университеті.
