Жаңалықтарды Telegram арнамыздан оқыңыз!Қоғамның Үкіметке деген сенімі артып келеді. Сондай-ақ, тұрғындардың басым бөлігі дәстүрлі ақпарат құралдарына жүгінуді жөн көріп, месенджерлерге күдікпен қарайды. Бұл туралы республика бойынша арнайы зерттеу жүргізген Алматы Менеджмент университетінің ғалымдары айтып отыр. Мамандардың сөзінше, халықтың Үкіметке деген сенімі 2023 жылдан бері артып келеді. Әлеуметтанушылар мұны 2022 жылы жасалған реформалармен байланыстырады. Респонденттердің басым бөлігі әлеуметтік жағдайға, баға өсуіне, медицина саласындағы олқылықтарға алаңдайтынын көрсеткен. Зерттеулер соңғы үш жылда жүргізілген. Мақсаты – қоғамдағы сенімді анықтау дейді ғалымдар.
Бақытжан Сәркеев, Алматы менеджмент университетінің ғылым жөніндегі проректоры:Азаматтардың жергілікті билік өкілдеріне, мәслихаттарға, сосын саяси партияларға сенімі әлі де төмен. Сосын әлі де сенім деңгейі төмен мынау сот жүйесіне, құқық қорғау жүйесіне. Әрине, сенім ең жоғары ол Президентке, біздің Қарулы күштерге сенімнің деңгейі жоғары.
Қуан Нұрақын
