Жаңалықтарды Telegram арнамыздан оқыңыз!Тасқыннан зардап шеккендерге арналған баспана үш ай ішінде дайын болуы тиіс. Ақтөбе облысына жұмыс сапарымен барған Премьер-министр орынбасары Қанат Бозымбаев құрылыс жұмыстарын сапалы әрі жедел жүргізуге барлық мүмкіндік қарастырылғанын атап өтті.
Вице-премьер өзімен бірге елімізге белгілі меценаттар мен ірі қорлардың өкілдерін ертіп барды. Тасқыннан зардап шеккендерге арналған баспана негізінен, демеушілер есебінен бой көтереді. Әзірге белгілісі, облыс бойынша 18 миллиард теңгеге 651 үй салынады. 9,7 миллиардқа тағы 398 пәтер сатып алу жоспарланып отыр. Сондай-ақ, тұрғындардың өтініші бойынша дайын үйлер де сатып алынуда. Қанат Бозымбаев табиғи апаттың зардабын жоюға бағытталған жұмыстармен де танысты.
Қанат Бозымбаев, ҚР Премьер-министрінің орынбасары:Үйлерді сатып алуға немесе салуға қаржы бөлініп жатыр. Басқа шығындар – бұзылған көпірлер, жолдар, электр торабы – оның бәрі бюджет есебінен төленетін болады.
Жақсыбек Кемал
